बिजोत्पादन शेतकऱ्यांसाठी खूशखबर! एमएसपीतील फरकाची रक्कम मिळणार
- By - Team Bantosh
- Mar 06,2024
राज्यातील बिजोत्पादन कार्यक्रमांतर्गत कृषि उत्पन्न बाजार समिती आधारीत दर आणि पीकनिहाय शासन घोषित एमएसपी यातील फरकाची रक्कम महाराष्ट्र राज्य बियाणे महामंडळ मर्यादित, अकोला व राष्ट्रीय बीज निगम, पुणे यांच्या मार्फत सन 2022-23 मध्ये बिजोत्पादन घेणाऱ्या शेतकऱ्यांना अदा करणेसाठीच्या कृषी आयुक्तालयाच्या प्रस्तावास सरकारने मान्यता दिलेली आहे. त्यासाठी 4 कोटी 12 लाखांचा निधी सन 2021-22 मधील बिजोत्पादक शेतकऱ्यांकरिता वितरीत करण्यात आलेला आहे. तसेच सन 2022-23 मधील बिजोत्पादक शेतकऱ्यांकरिता 13 कोटी 38 लाख निधी वितरीत करण्यात आलेला आहे. तर उर्वरित 4 कोटी 89 लाख निधी वितरीत करण्याकरिता कृषि आयुक्तालयाने केलेल्या विनंतीनुसार वित्त विभागाने मान्यता दिलेली आहे.
