४ दिवसात सोयाबीनला तुम्हाला हवा तसा भाव मिळेल- पाशा पटेल

सोयाबीनला भाव कमी आहे म्हणून, तुमच्या मनात आमच्याबद्दल राग आहे. भाव कमी झाला म्हणून मी केंद्रीय मंत्री अमित शाह यांना भेटलो आहे. येत्या 4 दिवसात तुम्हाला पाहिजे तसा सोयाबीनला भाव मिळेल असं वक्तव्य भाजप नेते आणि कृषी मूल्य आयोगाचे अध्यक्ष पाशा पटेल  यांनी केलं. ते परंडा इथं आयोजीत करण्यात आलेल्या महायुतीच्या सभेत बोलत होते. त्यांच्या या घोषणेमुळं मराठवाड्यातील सोयाबीन उत्पादक शेतकऱ्यांना भाव वाढीची मोठी आशा आहे. 
आचारसंहिता लागेल हे आम्हाला माहीत होत. म्हणून ऑक्टोबरमध्ये नोव्हेंबरचे पैसे टाकल्याचे मुख्यमंत्री एकनाथ शिंदे म्हणाले.  ज्यांचे पैसे आले नाहीत, त्यांचेही पैसे येणार. हा शब्द  देतो असेही मुख्यमंत्री म्हणाले. शेतकऱ्यांसाठी एकदा काय दहा वेळा जेलमध्ये जायला तयार असल्याचेही ते  यावेळी म्हणालेत.